شعار المرحلة .. القهوة هي القوة .. لعشاق القهوة أنت قهوتك ايه ...؟؟؟؟

شعار المرحلة الحالية هي انك يجب ان تتحمل وتتحمل وتتحمل حتى تيأس الضغوط منك وتستسلم فتمنحك راحة البال  ولذلك فإن نصيحتي إليك هي أن القهوة هي القوة .. فهي المساعد لك لأنك عندما تكون من عشاقها ستعلم أن كوب من القهوة المظبوطة يمنحك سعادة مؤقتك .. لعشاق القهوة أنت قهوتك ايه ...؟؟؟؟

لعشاق القهوة انت قهوتك ايه .. انواع متعددة ولكل نوع مقدار وتقاليد فلنبدأ بالنوع التالي:

1 - السرياقوسي :
ابداع القهوه السرياقوسي (انا مش عارف هي اتسمت ليه كده بس ممكن لأن اصلها من سرياقوس) وللعلم أنا لا اعلم أي هي سرياقوس ولكنها عامة بتبقي عباره عن 3 معالق سكر لكل ملعقه بن
( 3 سكر : 1 بن ) ؛
مبدأيا معظم عشاقها بيبقوا غالبا من المبدعين الجدد والباحثين عن السعادة وهم من محدثين القهوه اللي لسه متلطوش ف الحوار أو ربما يكونون من النوع البشري اللي بيشربها كل فين و فين ..
وهي قهوه تفضلها النساء في المجمل لأنها خفيفة ومسكرة ..
و عموما السرياقوسي قهوه طريه لزوم الشاب الطري ف بلاش تطول فيها كتير و إنتقل ع المرحله اللي بعدها

2 - الزياده : القهوه الزياده بتبقي زيادة  (طبعاً) يعني سكر زيادة .. (انا عارف انك عارف) بس لازم تبقى عارف أن ده من عيوبها .. والغريب انها زيادة على الرغم من ان السرياقوسي أزيد منها.. على العموم هي بتكون 
2 ملعقه سكر لكل ملعقه بن
( 2 سكر : 1 بن ) ..
دايماً بتكون هي أول خطوة للرجولة بالنسبة للقهوجيه وعادة هيا المدخل اللي بتتسحب فيه نحو عالم استمتاعك بإدمان القهوه اللذيذ ؛ ﻷنها قهوه سكرها الزياده بيكسر التحدي في استمتاعك بطعم البن المر اللي لسه ك مبتدئ مفهمتش قوتها في أنها مُرة يعني لسه طري برضه ما تعودتش عليه ..
فيه ناس بتستمر في تناول القهوه الزياده ؛ كيييفه الزياده بيبقوا بشر طبييعين عادة وهم ناس ف الأغلب بيهتموا بالمظهر علي عكس الجوهر .. ناس مقضينها For Fun و يحبوا يعيشوا التجربه من السطح بدون التطرق للأعماق على شان كده هم عادة بيقضوها مناظر .. يعني يشربوا القهوة مع السيجارة ومع الشيشة ومبيحسش بأن القهوة قوة لوحدها و بيقفشوا جداً لو القهوه جاتلهم ناقصه سكر و دا يدل علي خوفهم من كل ما هو مظبوط أو مانو ..

3 - المانو : القهوه المانو هيا الوسط بين المظبوط و الزياده يعني قهوة مدلعة تحسسك بقوتها وبطعمها ومدياك طعم السكر برضه ؛ ملعقه و نصف سكر لكل ملعقه بن
( 1.5 سكر : 1 بن ) ..
المانو غالباً بيتم اللجوء لها في حالتين : يا إما زهقت من الزياده و عايز تنتقل للمظبوط و بتتعود تدريجياً علي تقليل السكر ..
يا إما إنتا أصلاً كييف مظبوط بس بتقعد علي قهوه شغال فيها صنايعي غلبان بيجرب فبيبقى فاشل وعمره ما عرف يظبط قهوتك فبتضطر تطلبها مانو وبتضحك على نفسك وبتحاول تقنع نفسك أن اللي جايه بنيه المظبوط والتكتيك دا ناجح تماماً مع القهوجيه المُحدثين الفشله ..
المانو مرحله إنتقاليه مينفعش تتربس عندها أو تقف عندها كتير ﻷنها ملهاش علاقة قوية بالقهوة وليس لها توصيف دقيق في علم القهوه و الأمزجه !!!

4 - المظبوط : واحد علي واحد (الدلع كله) والقوة القاهرة في طعم القهوة 
( 1 سكر : 1 بن ) ..
الإبداع المتزايد في طعم النجاح والتميز والبحث عن السعادة فهي قهوه متكافئه تماماً وغالبية السواد الأعظم من المبدعين والمستمتعين بالقهوة بيلعبوا في ال Category دا ..
لازم تبقى عارف أن قهوتك المظبوطه تدل علي شخصيتك الرائعة المتزنه العادله اللي مبتسمحش بالدلع ومبتحبش حاجه تيجي علي حساب حاجه ..
إستمتاعك بطعم البن المُر بكميه سكر متوازنه بيخلق جو من رفاهية السعاده المفرطه التي لا تنتهي ولا يختلف عليها أي شخص من عُشاق القهة سوي مع أخر رشفه من الكوب ..
أخر رشفة من الكوب التي يُعتبر ميزانها شعورك بحبات البن المطحون على شفتك السفلى تستشعر مرارتها لتمنحك شعوراً بالبهجة والنجاح والسعادة وتعطيك الشعور بالقوة..
بإختصار كييف القهوه المظبوط إنسان استاذ وشخص برنسسسسسس في نفسه ﻷقصي درجه ..

5 - ع الريحه : مبدأيا ؛
طالما وصلت للتعبير ده فأنت الأن في مفصل الطريق لأن وصولك للنقطه دي يبقي إنت حرفياً مدمن عشق إدمانه وقررت تعلي ال Dose ﻷنك مبقتش تتكيف زي الأول !!!
( 0.5 سكر : 1 بن ) مع السكر اللي بينخفض تدريجياً و طغيان طعم البن فأنت ونحن أمام قهوه صنعت من أجل
ال Professionals Only
عشان مستحيل تلاقي مبتدئين بيشربوا القهوه ع الريحه .. علشان بيخافوا منها .. 
وعادة فيه قاعده عامه ؛ كلما قلت نسبه السكر بالنسبه للبن ؛
زادت درجه جمدانك و برنستك
و مزاجك ..

6 - الساده : ............. المحترفون القهوجية
تجربه مختلفه ومش لأي حد خالص ....
لو مش قدها متجربش ....... الموضوع أكبر من تخيلك ......
تكمله الكوبايه بدون ما بطنك تقلب و نفسك تقفل معناها ولاده وحش جديد مبيخافش من أي حاجه بطل لا تقهره الظروف .....
عشت سنين بشرب قهوة مظبوط ....
لما بقيت بشرب القهوة السادة ( البن الغامق المحوج كمان💪) حسيت اني فعلاً كنت ظالم القهوه معايا
القهوة الساده مع أخر رشفه منها بيتولد جواك شعور مختلف نهائيا ّ...

القهوة الساده عشق في عالم الظلام 
ملحوظة (انا شخصياً لسه موصلتك للمستوى ده) بس شكلي حجرب

انت قهوتك اي

القهوة وما أدراك ما القهوة